مجاراة شعرية نارية حول مأرب

قبل ما (هدهد سليمان) يأتي بالنبا
بايجيب العرش ذي عندهم علم الكتاب..!!
لو طرف دولة (بريطانيا) (وادي سبا)
واخرةْ(مدغل)(اُروبا)و(واشنطن)(حباب)!!

من غضب ياكون يغضب ويأبى من ابى
والله انا ما حسبنا لغير الله حساب..!!
ضيف الله سلمان
جاتك الانصار بالموت ياحلف الغبا
والثقة بالله من فوق هامات السحاب..!!
بانطهر ارض بلقيس من اخبث وباء
والتحالف با نمرّغ انوفه فالتراب..!!
عاصفة واشنطن الظالمة راحت هبا
شعبنا بالله قد سامها سوء العذاب..!!
الشاعر عكام القصاد
ياسبا مهد الحضارة وتاريخ الإبا
باتلبيش النشاما مجلين الصعاب
من يريد السلم سالم وحيّا مرحبا
ومن يريد الحرب فالمعركة فصل الخطاب..
بانردد صرخة الحق في (مسجد قبا)
بعدها بانفتح (القدس) من دون إرتياب..
الشاعر احمد درهم
فتحت الابواب مارب وقالت مرحبا
ساندوا سكانها وادخلوا من كل باب
وادحروا من صادروا نفطها والكهرباء
من ورى ماعاث في حقها الغازي وعاب
قل لمن ندّد ومن في البيانات اعربا
بللوها كلها واعصروا ماها شراب..
مهدي احمد صالح مفلح
التحدي زاد فينا صعوده وارتبا
والعزيمة فل والعز ناطح للسحاب
لا تزيد الهرج يا علج وتزيد الغباء
من تحدانا نقص في معاركنا وذاب
واللظى والنار نهديه لا عدانا جبا
والمعارك عندنا مثلما يوم الحساب
الشاعر صالح حسين
العراده ضاع مابين سحته والربا
لا نفع نفسه ولا جاه في الدنيا الثواب
ثار حمده هج بارتالهم مثل الوبا
ربنا سدد له الحمد مايجري السحاب
ذلنا هيهات والله لو نحبي حبا
ويامريكا موتي بغيضش مع قوم الخراب
الشاعر حمزة المغربي
ليل يا حلف الردى قُم من احلام الصِباء
قبلما تنهش قرون الـضلالات الـكلاب ..!!
عاصفتكـم روّحت في متــاهــات الغـبـاء
والمسيــّر فوقكم يصرب الدنيا صراب..!!
من خساستكم بلغ سيل الاحداث الزُّبى
الـقـفوا طوفـان ربـّي بــثـاره والعــذاب..!!
الشاعر عابد المدم
المسافة بين حرف الألف لا حرف باء
صار مارب منها أقرب وحلم الحلف غاب
يا بروق النصر هبت نسانيس الصبا
والعواصف أصبحت في ربى مأرب سراب
من وثق بالله ما تذهب اهدافه هبا
يا ذنه بالضيف حيي وفكي كل باب..
عناش المشرقي
لك دمانا ياوطنا على المنهج جبــا
والقوى المتحالفه في مداريج السراب
يامماليك الفتــن والجــرايم والربا
من بلاه الله دخل لليمن من أي باب
عاد "ردفان" المفدئ مقنف مااختبا
وان وصلتي يابريطانيا رزق الكلاب
عاقل بن صبر
قال عاقل بن صبر بسم مارب مرحبا
بالمسيرة والعلم ضيف عالين الجناب
اجتبانا الله في نصرة ابن المجتبى
ندحر العدوان ونسومهم سوء العذاب
في ميادين الشرف والكرامة والإباء
معركتنا الفاصلة ملحمة فصل الخطاب
الياس علي المقدشي
فتح مارب لاح والنصر وعده قربا
والقوى خابت وحلم العدا في الغزو خاب
حام قتل الطفل والبغي وذنوب الربا
والمـ سير صار فوق العدو مثل السحاب
بانحرر ارضنا من بلاهم والوبا
جاتك الانـ صار والحق يا حلف الغراب
زيدالخراشي
لاتناست لندن الكهله ايام الصبا
ذكريها ياصواريخنا ايام الشباب..
بعد تطهير اليمن من دنس حلف الربا
والله ان ندخل بريطانيا من كل باب
خيل لندن طاح وحمار واشنطن كبا
ونصرنا بالله والمعركة فصل الخطاب.
ابوليث مران عردوم
بلغو حلف الغزاه السماوات اقربا..
باتواريه النشامى جهنم والعذاب
والمسير قد سرا للمرابض خربا..
قد مطارات العدا منها تشكي الخراب
والاروبي والمريكي مآربهم هبا..
واصبح الحلف اليهودي وعدوانه سراب
الشاعر عماد العملسي
يابلادي دون حدش نجبيهم جبا
بالمنايا ذي تجندل بالاوغاد الكلاب
عاصفتهم يحسبوا عمرها عمر الصبا
شيبت في شعبنا بعد ماكانت شباب
ياسبأ جينا بخيل الكرامه لاشهباء
سايسه من نسل حيدر مقاديم الصعاب
أبو ابراهيم_الحرملي
ياسبأ جاتك كتايب تصل ماهي تبا
والسيول الجارفه ذي لها راعد وزاب
من يسالمهم سلم.. ياسبأ وتجنّبا
ومن يعاديهم عشاء للنماره والذياب
ياسبا.. قد حلف الاعراب كمل يسحبا
والغبي ذي عادهُ ضان في حلف الركاب
علي المحاقري
فروا الاقوام واتمكنوا في الاختباء
والنعامه مرّغت راسها وسط التراب
واين هذاك الذي قال انه مجتبى
ذي قسم بالله انه على النهج الصواب
انتقم ربي للاطفال ذي في مستباء
منكم وانزل عليكم عقابه والعذاب
محمد_المنصور
لا يدينا جاب ربي مماليك الغبا
وعدهم وعد الخزا والمذلة والعذاب
من (يمن لايمان) يا(القدس) آتيك النبا
من اولو الايمان والبأس والنهج الصواب
أمّة القرآن وانصار طه المجتبى
ويلها (الاعراب) منها وويل (اهل الكتاب)
شاعر عمران ابن عباد
  ياسعودي مننا الشخص في عمر الصبا
  باربعين رجال  وقت الشدايد والصعاب
 بندقي والجعبه المير عنوان الأبا
   دام ون البادي اظلم فيبشر بالجواب
 والله. اني صقر هكام قناص الضبا
  جيش سلمان الثعالب وانا ذيب الذياب
الشاعر براق المنبهي
هو مرض هستيريا والزهيمر والغبا
ساقهم ربي قطيع اتجه وادي الذئاب
كان  يتوقع بــــــــلادي تقله مرحبا
خرفت عقلية الحلف واحساسه مصاب
كملوا ماعاد خــــــــلو المواقع تلهبا
اضغطو شدو على الحلف ياسمر الرقاب
فـــارس_المعــــزبي
المسيره  في  قيادت  عَلَمْنَا  المجتبى
حرّرت مارب  وردّت  على الغازي  جواب
العدو من  هولها  شــاخ  في سن الصبــا
والمنافق  ذي تعدّا  أَفَــــــــل نجمه  وغاب
والبريطاني  والامريكي   أتحمل  عَــبَــا
والصهاين صابهم خوف قاتل و إكتئاب
الشاعر محمداحمد الآنسي
قل لمن عاده مهنهن وفي راسه غبا
يغنم الفرصه وينجو من اهوال العذاب
طاحت امريكا وربي ل ملها خيبا
والتحالف طاح ما عد لقى له اي باب
والعميل والمرتزق مايفيده ل ختبا
با يقع له يوم حامي ولو تحت التراب
محمد_الطيب
قل لمن في جوف ساحة مخازيه أختبا
واتخذ من صوفة الذل والحسره ثياب
 أخذنا للثأر لازال في سن الصبا
ويلكم ياحلف الاعراب لا اصبح شباب
كثر ما داااخل  فؤاده و أحشائه أرتبا
 مايفسر جايحة  سبعة ابواب العذاب
سلطان_خضران
من شواطي حوف ارض اليمن لامستبا
بانحــــرر كل شبر السهول مـع الهضاب
قل لمن غــثاه يطــقع براســه... لعــــنبا
من تولى اذناب اذناب اصــحاب الكتاب
بعـد ست اسنيـن شعب اليـمن يرجع ابا
تحت ظل الهيـــمنه قــال لـو ياكل تراب
الشاعر/ أبو بدر ذيبان
لاح برق النصر والله لانصاره جبا
موت يا امريكي بغيضك ولاتصدر خطاب
والبريطاني يفنقل ويثني المحسبا
انتهى عصر التسلط وعصر الانتداب
واكتبوا تاريخ مجد اليمن رمز الاباء
واليماني شامخ الراس مرفوع الجناب
ابووايل_عنبل
قوة الباري بالانصار حولكم هباء
يا تحالف واصبح الحلم الامريكي سراب
ما تجرأ شيء سليمان يغزي في سبأ
فأرسل الهدهد وحمّل مع الهدهد جواب
جابك التيه وافناك ياحلف الغباء
والنشامى سطرت ملحمة جز الرقاب
شاعر_اليمانية
مارب التاريخ واصل العرب من ماربا
واهل مارب هم اساس العروبة والجناب
ياذيول الأمركه مال لبتكم محسبا
واليهود مشي لهم عندنا ايت حساب
لاح برق النصر والجيش زحفه قربا
والقيادة صرحت قبل ساعه من حباب